New Delhi, 8 June : Anees Bazmee para confirm korise ki No Entry 2 definitely ahibo
Kunba mahina pora choli thaka speculation majot bhi, director Anees Bazmee para confirm korise ki No Entry 2 etiya bhi track te ase aru film tu definitely bonabo. Scheduling problems aru cast changes laga reports thakile bhi project tu cancel nohoi kuina tai reshuffle kori dise.
HT City logot kotha pati thaka somoy, Bazmee para film karne bisi details nadise, kintu sequel hobo niki nohoi etu laga sob doubts khotom kori dise. Film etiya bhi hobo niki kuina huda somoy, tai para koise, “100 percent film tu hobo.”
Film delay hobo karne uthi thaka rumours karne kotha patikena, Bazmee para koise ki problem tu timing logot jorito ase. Tai koise, “kunba films laga kundli thake. Moi maanta ki kundli thake. Ketiya kunba film jaldi boni jai, aru ketiya deri hoi jai. Kintu Inshallah, amikhan sob laga kosis ase ki etu film bonabo.”
Tai nijor script karne bhi khub confidence dikhaise. Bazmee para koise ki No Entry 2 tai likha sob pora best screenplays majot ekta ase.
“Moi etu film khub pyaar pora likhise. Etu moi laga best-written films majot ekta ase. Olop somoy lagise, kintu film tu zaroor boni ase,” kuina tai koise.
Kunba mahina pora uncertainty thakile bhi, Bazmee para koise ki film logot jorito sob manu etiya bhi khub excited ase.
“Kun bhi manu etu film logot jorito ase, sob khub excited ase. Aru manu khan etu film ke khub pasand koribo,” kuina tai sesh te koise.
No Entry 2 laga cast karne confusion jari ase
No Entry 2 bisi somoy pora nijor cast lineup karne khobor te thakise. Producer Boney Kapoor age Varun Dhawan, Arjun Kapoor aru Diljit Dosanjh logot notun ensemble cast announce korise.
Kintu piche scheduling conflicts aru casting changes laga reports ahise. Diljit para eventually project para ulai jaise. Kapoor para piche koise ki etu decision bhal understanding logot loise aru dates problem karne hoise.
Recent reports hisab te, Varun Dhawan bhi project laga part nohoi thakibo pare kuina speculation uthise, jodio makers para koise ki discussions etiya bhi jari ase.
Etu uncertainty majot, Shahid Kapoor laga naam bhi sequel logot jori thakise, kintu etiya porjonto kunba official announcement ahia nai.
