Last time Kurnool side te jitu dangor bus accident hoi she, aru ekbar telangana te bhi ekta bus ulta hoi jaishe, etu sob India te road safety laga dangor problem dekhai diye ase. Manu dangor duk paishe, kintu etu sob kotha beshi din thaki nai. Kuni dangor accident hoi jaile, sob manu thora din kotha kore, dangor promise diye, aru olop din thaki kina sob chupi hoi jai. Kintu etiya time ahi jaishe ki “No More Kurnools” etu khali ekta sentence nohoi, etu ekta commitment hobo lage – India te bus safety ke pura change koribo lage.
India laga road te danger beshi ase. Government record hisap te, 1.7 lakh manu road accident te mori jaishe ekta sal te, aru etu majote bus accident bhi dangor part ase. Karon? Overcrowded bus, driver tired thaka, gaadi maintain na kora, aru kharap road. Private bus company logote profit laga race chuli ase, safety ke ignore kore. Driver ke rest diya nai, gaadi fitness check kori nai, insurance expire hoi jae – aru result toh sob jani ase, accident aru mot.
Kurnool te jitu accident hoi jaishe, jaha te ekta speeding bus control harai jaishe aru ulta hoi jaishe, etu ekla case nohoi. North East para South India tak, sob jagate eneka accident choli ase. Harbar investigation announce hoi, compensation diya jai, kintu result toh? Eku bhi change nai. Etu toh system laga failure ase.
Aji laga din te India ke dangor step lobo lage. First, safety rule implement kora khub important ase. Motor Vehicles Amendment Act 2019 te bhal policy ase, kintu apply kori nai. State transport department ke strict inspection koribo lage, aru jitu bus repeat offender ase, tate permit cancel koribo lage. GPS aru real-time tracking sob bus te mandatory koribo lage, jate driver speed aru behavior monitor kora jai.
Second, driver welfare laga kotha dhoribo lage. Fatigue driver mane dangerous hoi. Company khan ke rule thakibo lage – rest break, duty hour log, aru shift rotation. Technology use kori fatigue detect kora system introduce koribo pare, jate driver alert thakibo lage.
Third, road infrastructure ke improve koribo lage. Highway te light nai, signal clear nai, curve dangerous ase – etu sob change koribo lage. Government ke smart highway aru accident response unit set-up koribo lage.
Lastly, public awareness bhi khub important ase. Passenger logon ke bhi responsible hobo lage. Jodi unsafe driving dekhile, toh report koribo lage. Media, NGO, aru government mili kina ekta culture banabo lage jaha te safety first ase.
Sob accident khali number nohoi – etu ekta family laga story ase, ekta future lost hoi jai. Etu normalize koribo time nai. India ke etiya uthibo lage, aru sob manu ke ekta kotha mora lage — “No more Kurnools.” Etu khali slogan nohoi, etu ekta promise ase — life bachabo karone.
Add Comment