No oven, no stress: Kinika ekta no-bake Christmas cake panabo Ghor te

New Delhi, 19 December : Christmas season ahile, ekta dangor, phal-bhora Christmas cake aksar celebration laga main heart hoi. Kintu ghonta-ghonta oven te bake kora, aru cake sukhi jabo naki jali jabo buli tension loi, itu already busy list te aru stress add kore. Tetiya itu no-bake Christmas cake he help kore: ekta juicy, bhal taste thaka cake, juntu fridge te set hoi aru oven on kora bina he pura festive feel diye.

Itu cake tu prottek bite te Christmas feel diye — dried fruits, warm spices aru apunar favourite festive drink laga hint thaka (ba kids karone fruit juice). Gathering te loi jabo karone ba age pora bonai rakhi season enjoy koribo karone itu perfect dessert.

Ki Ki Lage

Ingredients (15 cm chutu cake karone):

            •           60 g chopped prunes

            •           60 g mixed candied peel, chopped

            •           75 g raisins

            •           75 g sultanas

            •           75 g glace cherries, aadha ba chutu-chutu kori katise

            •           ½ tsp cinnamon

            •           ½ tsp mixed spice

            •           ½ nutmeg, grated

            •           1 tsp vanilla extract

            •           1 tbsp liquid sugar (honey / maple syrup / molasses — jun tu apunar mon jai)

            •           80 g unsalted butter

            •           75 ml alcohol (cream sherry / brandy / rum) — ba kids karone fruit juice

            •           75 g chopped walnuts

            •           250 g fine biscuit crumbs (Rich Tea biscuits bhal kaam kore)

Keneka Bonabo

1. Fruits gorom kora:

Ekta pan te sob fruits, spices, vanilla, liquid sugar, butter aru alcohol (ba juice) diya. Low heat te aste-aste gorom kora jetiya butter melt hoi aru fruits soft hoi jai. Pichete side te rakhi thanda hobo diya — lagbhag 30–60 minute.

2. Crumble mix ready kora:

Ekta dangor bowl te thanda hoi jaa fruit mixture, chopped walnuts aru biscuit crumbs mix kora. Mix tu crumbly thakibo lage, aste-aste eklogote dhora dhora hobo lage — ekdom moist, sandy type consistency.

3. Cake mix press kora:

Cake tin tu cling film ba parchment paper pora line kora. Pichete mixture tu bitor te diya aru chamuch laga pichete ba glass laga bottom pora bhal koi press kora.

4. Refrigerator te thanda kora:

Cover kori fridge te rakhi diya — best hoile pura raat. Itu time te cake pura set hoi aru flavours aru bhal koi mix hoi jai.

5. Cake decorate kora:

Traditional Christmas cake nisina almond paste/roll pora decorate kori pare. Ba simple bhabe uporte icing sugar ba icing powder chhidai diya.

Itu no-bake Christmas cake tu kom mehnat te dangor taste diye — tension bina, oven bina, aru pura festive mood logote.