March 28, 2024: Nagaland Olympic Association (NOA) para taikan laka heartfelt congratulations extend kuri shae Nagaland contingent keh, 3rd North East Games 2024 deh taikan laka outstanding performance karne. Nagaland contingent para ekta remarkable improvement dikai shae puila laka edition lokot compare kuri leh tho, kuto Shillong deh lui shae 2022 deh. NOA kan affiliated sports association laka role kan appreciate kuri shae kun sob fronts deh NOA lokot collaborate kuri shae 3rd North East Games tho ekta success hobo leh.
First Ever North East games tho Imphal, Manipur deh lui shae aro tateh Nagaland kan para 42 medals jiti shae; tateh choitha Gold, notha Silver aro 27 Bronze Medals taki shae.
Games laka second edition tho Shillong, Meghalaya deh lui shae aro tateh Nagaland kan 79 medals secure kuri shae. Tateh para 18 tho Gold taki shae, 17 tho silver aro 44 Bronze medals taki shae.
Third edition deh, Nagaland kan bishi bhal para perform kuri shae. Nagaland kan, 48 Gold medals jiti shae, 42 Silver aro 44 Bronze medals jiti shae. Sob milai nag Nagaland kan, 134 medals jiti shae. Etu improvement laka credit tho athletes kan keh di ase, kun kan bishi train krui shae aro sob medal tho well deserved ase.
Cake laka icing tho Outstanding Sportswoman aro Sportsman laka award ase, kuto Nagaland laka athletes para jiti shae. Athletics discipline para Tsuchoi T, para chartha Gold medals aro tuita Silver medal jiti shae. Tai, Outstanding Sportsman Award tho jti shae. Venuzu Dawhuo para athletics deh tuita gold medal jiti shae aro wrestling deh ekta gold jiti shae. Khali tai heh alak alak sports discipline deh gold medal jiti shae.
Kunba discipline deh bishi improvement kan diki leh b, mukan pata kun bah bishi disappointing performance kan diki shae kuto below expectations taki shae. Etu karne, mukan overall success tho mana time deh, improvement karne jaka ase kui nah jani bole lakeh.
NOA para aro etu opportunity lui ase organizations, sports associations, local communities, sob government departments, press aro media fraternity; mukan partners, collaborators, vendors; Department of Youth Resources & Sports aro sob alak individuals kan keh thank you kubi leh. Taikan para games tho successful manner para lubo leh bishi contribute kuri shae. ETu success tho khali NOA laka achievement heh nahoi. Etu achievement tho state deh taka sob citizens kan laka ase. Etu tho husa laka b Team Nagaland laka triumph ase.
NOA laka aspiration tho sports laka sob eco-system develop aro promote kuri bol ase. Aro etu kuri nah sports laka platform tho mukan kan keh osor ani bole chui ase. Sob sportsperson kan Olympic ideals of unity and solidarity laka ambassador ase. Sob manu kan thanks you aro Long Live Nagaland.
(DIPR)
Add Comment