Stockholm, 8 December : Hungary laga László Krasznahorkai, juntu surreal aru anarchic novel pora world-famous hoise aru itu saal Literature te Nobel Prize jiti loye, Stockholm te Sunday din ekta lecture dibi dise—etu bhi tai laga khub kom public appearance majot ekta.
Lecture Nobel Week laga part hoise, juntu etiya Stockholm aru Oslo-duita jagate cholise. Laureates khan press conference dibise, speech dise, aru pichete prestigious prize lobo.
Krasznahorkai laga lecture, juntu tai Hungarian te dise, old aru new angels, human dignity, hope (ba hope nohoi), rebellion, aru Berlin subway te tai observe kora ekta clochard—mane ekta tramp—etu sob topic uporte ghumai jaise. English translation hisab te, tai lecture shuru te koi dise, “2025 Nobel Prize in Literature paile moi asal te hope uporte kotha koi dibole mon kurisile, kintu etiya mora karone hope bilkul sesh hoi jaise, tai moi etia angels laga kotha hobo.”
Old angels laga biyaare, etia laga new angels te “wing nai, message bhi nai—kichu nai. Tai khan amikhan majot normal street clothes te ghumikena thaki pare, aru jodi mon ase te bilkul chinhiba nohoi pari.”
Tai laga signature long aru winding sentence khan majot, apocalypse khan bhorti thaka sentence te, tai koi dise jetiya tai “etu new angels laga horrific story dekhe—etu sab ahise sacrifice uporte: not for us, but because of us. Amikhan karone, amikhan majot, wings nohoi, message nohoi thaka angels khan, aru sab jani ase ki etiya war ase—war aru war he ase. Nature te war, society te war, aru ei war matik weapon pora nohoi, torture pora nohoi, destruction pora nohoi he murise—etu to ekta side ase, kintu dusra side-te ekdom simple eta bad word bilebi enough ase war cholai jabole.”
Nobel judges khan October-te award announce kurise, 71 saal laga Krasznahorkai ke “ekta great epic writer” buli describe kurise, aru koise tai laga likha “absurdism aru grotesque excess” pora bisi characterize korise.
Nobel Prize organization aru koi dise, “Krasznahorkai laga work Central European tradition majot porhe. Tai laga writing-te pessimism, apocalypse, humor aru unpredictability sob milekini thake.” Tai laga famous novel khan te Satantango, The Melancholy of Resistance, War and War, Baron Wenckheim’s Homecoming, aru Herscht 07769 bhi ase.
Jaa saal South Korea laga author Han Kang Nobel prize paise. 2023-te Norway laga Jon Fosse paise, juntu ekta seven-book epic likhi dise—ekdom single sentence pora banai kene.
Itu majot, Norwegian Nobel Institute laga Director Kristian Harpviken Saturday din confirm kurise ki Venezuela laga Peace Prize laureate aru opposition leader María Corina Machado Oslo ahibole ase itu hafta te, tai laga award personally lobo karone.
Add Comment