New Delhi, 12 December : ‘Nobody’ laga star Bob Odenkirk ekhbar bi kot ahise Hutch Mansell hisab te ekta chup-thaka dad juntu last time te assassin te convert hoi public ke surprise kori dise. Second film tu August te theatre te release kora hoisey, aru etia big-screen skip kora viewer khan karone streaming te ahibo. Itu film te same combination ase — dry humor, sudden violence aru family laga story juntu ekdin bi shanti te thaki na pare.
OTT Play hisab te, sequel tu December 22, 2025 te JioHotstar te release hobo. Original cast laga besi manu khan etu chapter karone wapas ahise. Odenkirk hudai lead kuri ase, tai logot Connie Nielsen (Becca) aru Christopher Lloyd (David) bhi ase. RZA, Colin Salmon, Gage Munroe aru Paisley Cadorath bhi nijor role wapas reconstruct korise, continuity clean thakibole.
Theatre te etu film worldwide te $41.6 million earn kori dise, Box Office Mojo hisab te. India pora $132,712—roughly ₹1.19 crore—collection paise.
Bob Odenkirk laga Nobody 2 laga story ki?
Hutch Mansell etiya bi dui identity majot phasi ase. Ghar te tai ekta overworked father, juntu laga family tai pora slowly patience khai ja thaka ase. Aru kaam te tai same first film te dekha juntu efficient fighter ase.
Rotten Tomatoes hisab te, etu new story te Hutch laga family ekta short break loi Plummerville naam laga amusement park te jai. Hutch hope kori thaka ase ki itu trip te Becca logot thaka tension thik hobo, aru tai laga bachha Brady aru Sammy logot bhi relation stable hobo. Kintu itu holiday te problem he ahise. Ekta sheriff, ekta crime boss aru ekta chutu gang Hutch laga past logot collide hoi, aru amusement park tu fight, chase aru kidnapping scare te convert hoi jai. First film pora thaka $30 million laga old debt bhi tai logot lagise, aru itu story ke guide kori thake.
Release age te, Better Call Saul laga actor DiscussingFilm logot kotha kuri koise ki etu sequel bisi classic Hong Kong action pora inspiration loi ase — especially Jackie Chan laga style. Tai koise ki etu film te prop use kora fight, carnival game action, aru chaotic duck-boat fight sob Jackie Chan style pora influence paise.
Police Story tu main reference point thakise — aru tai koise ki “Moi Nobody banai kene ekta reason bhi ase: moi Police Story moi laga bachha khan logot dekhi thaka karone.”
OTT release confirm hoi ja bole, Nobody 2 etiya age pora first film follow kora wider audience logot bhi pohonchi jabole ase.
Add Comment