Guwahati, 16 December : Ekta dangor nodi laga dolphin, kunke bishi pak Sisu kuina janey, murina paishey Assam laga Dhubri dey Saturday dey.
Reports laga hisab dey, itu dolphin toh ekta riverbed osor dey murina paishey Dhubri laga Majerchar region dey.
Shaak kuri asey ki itu dolphin toh fishing nets dey fasina thakia karoney murishey kiley kuiley itu laga niche jaw toh jokhum huina thakishey.
Huilewi, ekta investigation ke initiate kurishey itu muria laga kaaran janiwo karoney.
Itu dolphin toh ekta dangor male asey kuina jani paishey.
Itu eki din dey, ekta Caped Langur bhi murina paishey Burha Pahar osor dey Kaziranga National Park dey.
Itu primate muria toh gaari para lagina murishey kuina shaak kuri asey.
Sources kui asey ki itu janwaar toh raasta cross kuriboley kosis kuri thakishey parey park laga alag side para kitia ekta gaari para itu ke maarishey.
Itu kui asey ki itu janwaar khan muria toh prevent kuriboley, forest department para raasta khan dey speed restrictions haalishey kuntu Kaziranga National Park dey paar kurina jai.
Huilewi, itu restrictions khan toh bishi manu para follow nakurey juti KNP jagah dey speed sensors lagai dishey.
Kunwa sensors aro cameras khan toh non-functional asey kuina report kurishey.
Locals para bhi kuishey ki itu son set-up kuriley bhi, itu stretch laga implementation toh eman bhaal para nathikey kiley kuiley speeding gaari khan ke monitor nakurey park laga jagah dey.
Add Comment