Dimapur, 20 August: Advisor, Home Guards, Civil Defence and SDRF Nagaland, Noke Wangnao para aji (20th August 2021) Central Training Institute, Toluvi Dimapur te Home Guards Commandant’s office laga notun office building inaugurate korise.
Special guest hisab te inaugural programme te grace korikena, Noke para institute te kushi janaishe kelay koile district para manu khan ke training nemite. Noke para be trainees, trainers aro volunteers para besi phak pandemic samai commendation services deya te note kora thakise. Tai para Home Gurards, Civil Defence aro SDRF laga officers aro sob ranks ke encourage korise, institution para volunteers ke training de thakibo nemite kelay koile tai khan ke laga dekthari (calamities) te hoilebe sabole pariya hobo nemite. Noke para Home Guards toh security te mela koise. Etu para personnel khan toh smart aro alert thakibo laki koise. Etu agae te, special guest para notun office building laga plaque ola/dekhaideya thakise.
Director General, SDRF, CD, Prison, Rupin Sharma IPS para brief address te campus toh 1988 para jola suru howa thakise aro etiya tak besi manu aro volunteer khan ke trained korise koise. Tai para be State Government para private security agencies nemite CTI toh training institute hisab te notified kora janaishe.
Tecnhical report present korikena, EE, PEP Chumukedima para khobor janaishe. Tai para sob melikena 2 storeyed office building laga cost Rs.3,78,28,000 thakise koise, total plinth area of 10136 sqft te cover korikena. Ground floor te 9 rooms logote 2 common toilet ase aro first floor te 7 rooms, 1 conference hall aro 2 common toilet ase koise.
Pastor, CTI church, Asemba Longchar para Isor laga ashirbaad nemite prathana kora thakise aro Commandant General, Bendang Lemtur, IPS para vote of thanks deya thakise. Program te Dy Commandant General, Medozhalie Penyie para chaired thakise aro etu programme te Home Guards, Civil Defence aro SDRF laga sob rank aro files thakise.
Add Comment