Nokhu Tey PHC Building Inaugurate Kurishey

October 05, 2024, 05:20 PM : Itu Nokhu laga Primary Health Centre (PHC), Noklak District under laga, itu NHM flagship programme 2017-18 laga under tey, Additional Secretary, Health &Family Welfare, S. Tainiu para inaugurate kuri kena, 04^th October, 2024. Itu inaugural programme laga homoi tey, S. Tainiu para manu khan ke exhort kurishey, tai khan laga support toh continue rakiboley itu department ke, itu target khan achieve kuriboley, aru bhi bhal health care delivery system laga. CMO Noklak, Dr. Victor NC para sob avaialbe plan khan aru scheme khan explain kurishey, itu department laga. Tai para itu staff khan ke encourage kurishey, itu sob activity khan toh diligent para culai jaboley. Itu notun PHC pura functional banaboley. EAC Nokhu Hq, Menlom Phom tatey jama kuria manu khan ke mati khan chiniboley manna kurishey, itu PHC laga smooth function hoboley karney. Mati laga malik laga issue khan toh hoiley paratak avoid kuriboley lagey, bhal para implement kuriboley, Government laga plan khan activity khan laga, Phom para koishey.Er. Akangtemsu, Medical Engineering Wing, Directorate of Health & Family Welfare para bhi itu Nokhu bosti laga elder khan aru Mokhu range laga bosti laga authority khan khan ke congratulate bhi kurishey, itu building toh successful para banai kena khotom kuriboley para nimitey, aru tai para itu manu khan ke itu public laga property toh bhal para bachai kena rakhiboley laga urge kurishey, government para set kuri diya laga toh.NNBC laga Pastor para dedicatory prathana offer kurishey. Ekta special number toh hoiley present kurishey, Tsoithen Langtha Band para.