Tuensang District DBs Union Bifurcation programme toh DC Conference Hall, Noklak 04th November 2020 te loishe .
Deputy Commissioner, Noklak Reny Wilfred, IAS para tai laga speech te koikena janaishe ki Dobasishs toh customary law laga custodian ase aro customs laga values khan thurikena ase .DBs khan toh administration laga naakh aro kaan ase aro kara ase district aro state te law aro order thik thak rakhibole laga nimete .
Tai para Tuensang aro Noklak laga DBs khan ke milaikena kaam kuribole janaishe poila nishena aro tai khan ke forum ekta bonabole janaishe etu para coordination nimete ekta opportunity bonabole nimete. Chamela aro dikdaari khan toh administration laga part ase aro kuntu te DBs khan(Magistrate thaka toh) ekta ekta role play kureh customary law hisaab te chamela khan khotom kuribole nimete.tai para DBs khan ke kara hobole janaishe opinion khan dibole nimete customary law hisaab te. DC para DBs khan ke modu aro dusra nisha huwa saman khan nakhabole janaishe aro tai khan ke customary law te custodian nishena thakibole janaishe.
Etu programme samay tge PA to DC Tuensang S. Yanchu, District Hd.DB, Tuensang Chamhomong, Head DB Longkhim L.Tsalongse and Gr-I DB Shamator Reluthing khan kotha kurishe aro District Head DB Noklak S.Hangji para welcome address dishe.
Etu programme toh Head DB Sadar Tuensang Hq M.Chingmak para loishe aro Gr-I DB Noklak H.Longhen toh secretary thakishe. Tuensang Hq laga DBs para folk song gaishe aro Longdon BYE para special song gaishe.
Add Comment