Noklak, October 31: Noklak Police khan National Unity Day toh ekta mini marathon Penshe ground para GHS Noklak tak maiki aro mota khan nimete alag alag October 31, 2020 te loishe.
National unity day toh Sardar Vallabh Bhai Patel Iron man of India laga jonom din thaka nimete manishe kun para ekta crucial role play kurishe India ke milabole nimete etu te 562 princely states khan ase.
Etu marathon toh SP Noklak, Dr. Pritpal Kaur IPS, para shuru kurishe etu te komti hoilebi 100 students khan uporte kun khan etu marathon t e bhaagh loishe aro cash prizes khan toh jita manu khan mota aro maiki categories khan ke dishe aro sob participants khan ke certificates khan dishe.
Jita manu khan ke rupees 2000, 1500, 1000, 500, 500 first, second, third aro duita consolation cash prizes khan dishe mota aro maiki laga categories te.
Etu marathon te SP Noklak, Addl. SP, SDO Civil, KMH member, Police Jawans, Medical aro AYUSH Doctors, OST Centre Counselors, Red Cross Society, Teachers aro Sports Council Members khan bhaagh loishe.
Unity Day pledge toh SDO civil Noklak para pudishe aro SP Noklak para short speech dishe kun para etu din kile loi ase etu nimete kotha kurishe aro koikena janaishe ki etu din mana toh desh laga unity aro integrity nimete values khan janibole nimete ase.tai para sob manu khan ke milaikena kaam kuribole janaishe aro etu bhaagh luwa aro race khotom huwa toh jita para bi khaas ase.etu te jita aro hara laga okobi nai kunba samay te ami khan ek jun ek jun ke modot kuribole lageh aro ami khan laga jeevan laga race toh khotom kuribole lageh kuntu te ami khan para society ke bhal para sabole paribo.tai para koikena janaishe.
Etu program toh Additional SP Shri Ngou para loishe aro ABSI Vihoto para benediction prayer kurishe.
Add Comment