March 24, 2025, 05:04 PM: Chief Medical Officer Conference Hall Noklak tey World Tuberculosis Day observe kurishey, itu “Yes we can End TB: Commit Invest Deliver” laga theme under tey, 24th March, 2025 tey.
Deputy Commissioner Noklak, Arikumba NCS tatey Special Guest hisap thaki kena kotha kuri kena koishey, Tuberculosis toh hoiley ekta purana bimar asey, aru itu pura duniya toh hoiley itu observe kuri asey, itu bimar toh pura puri eliminate kuriboley karney. Tai para state kurishey ki, tai administrator hisap thaki kena itu district laga, itu toh hoiley tai laga duty asey, itu lagi thaka medical facility khan aniboley karney, itu hospital tey. Tai para itu jama kuria manu khan ke support kuriboley karney urge kurishey, itu medical department khan ke, successful para itu mission toh complete kuribo pariboley.
Tai para assure kurishey ki, itu Noklak DPDB member khan toh hoiley financial support diboley asey koi kena, itu TB patient khan ke, kun khan toh hoiley financial support lagi asey. \
CMO Noklak, Dr. Victor NC para tai laga keynote address tey Tuberculosis bimar laga symptoms laga opor tey share kurishey, aru itu bimar laga infection khan laga root cause khan opor tey share kurishey.
Add Comment