‘Non-essential travel kan avoid kuri b”: Indian embassy para advisory issue kuri shae

August 1, 2024: Thursday din deh India para taikan laka citizens kan keh, Lebanon deh naja b kui shae. Aro West Asian country deh taka manu kan keh caution exercise kuri b kui shae. Etu advisory tho Hamas aro Hezbollah laka leaders kan keh murai di karne ase, kuto para tension kan keh uthai di nah ase. Etu tho second advisory ase, kuto Indian embassy of Beirut para issue kuri shae. Lebanon deh 4000 nishi nah Indian nationals kan ase. “Region deh tension kan utha karne, Indian nationals kan keh advise kuri ase, Lebanon deh non-essential travel avoid kuri b kui nah,” advisory para Hamas leader Ismail Haniyeh aro Hezbollah leader Fuad Shukr laka killings deh kotha nakuri nah kui shae. “Lebanon deh taka sob nationals kan keh caution exercise kuri b kui nah advise kuri ase. Taikan laka movements restrict kuri b aro Embassy of India lokot contact deh taki b, takan laka email id: cons.beirut@mea.gov.in para. Nahoileh emergency phone number +96176860128 lokot kuri b,” Advisory para kui shae.