Regional

Nora Fatehi, historic opening night te headline kuribo Shillong Cherry Blossom Festival te

6 months ago

Shillong, 2 September : Global sensation Nora Fatehi India te festival debut kuri bole jaise Shillong Cherry Blossom Festival 2025 te, juntu te November 14 opening night te Jason Derulo aru The Script laga ekta dangor lineup join kuribo.

Itiya announcement dikhai dise ekta dangor milestone artist aru festival duita te, karon Fatehi hobo first dangor Indian performer juntu international music celebration te, Meghalaya laga capital te, headline kuribo.

Festival organiser khan janai dise ki gallery seating to announce kuri kene bi pura sell out hoi jabo, aru baki ticket khan RockskiTickets.com te record speed te sell hoi ase.

Fatehi stage te dangor momentum loi aahise, karon itu saal taate tai laga Jason Derulo logot collaboration “Snake” worldwide te 130 million view cross kuri dise. Tai laga latest track “Oh Mama! Tetema” juntu Rayvanny logot ase, Spotify Global Viral Songs Chart te dominate kurise, aru Bollywood laga traditional boundary cross kuri kene tai laga global appeal cement kurise.

“Tai laga dynamic energy, global reach aru boundary-breaking performance festival laga spirit logot ekdom fit ase,” buli Jason Manners, The Cherry Blossom Festival organising committee laga member koi dise. “Itu ekta historic raat hobo.”

Itiya multi-talented entertainer Nora Fatehi, bibhinna industry te influence expand kurise. Tai laga fashion presence dangor hoi ase, Paris Fashion Week te Louis Vuitton wear kuri kene dekha dise aru AMAs aru Oscars after-party te Oscar de la Renta design wear kuri kene red carpet moment paise.

Tai laga acting portfolio bi diversify hoi ase, karon “The Royals” te Ayesha Dhondi laga role, “Kanchana 4” te lead part aru upcoming release “Uff Yeh Siyapaa” te bi role ase.

Shillong Cherry Blossom Festival India laga ekta premier cultural event hobo loi aahise, juntu te blooming season te 30,000 upor visitor daily Shillong te aahi thake. Itu festival international music act aru local culture duita combine kuri thake, Meghalaya laga famous cherry blossom backdrop te, aru state tourism department laga support te celebrate kurise.