North aro South Korea meli-kena office khulise

Seoul, 14 September: Friday din North aro South Korean pora North Korean border, Kaesong town de office bonaise. Etu office kula pora ahha-hapta Pyongyang jaga-de summit thaga time de phal pora lobule ase. 1945, World War II time de North aro South Koreas toh alag-alag  hoijai kena thaga ase. Etu bechide tai jun mela-meli hoi kena thakibole besi sal kosish kori-kena thakise. Etu karni tai jun majode phal pora kotha melibo nemide etu sal-he office kulibole parise. Aro etu kula toh agae wala ase aro aji kali he kula laga ase. Ketya Koreas majode meeting thakibole mon hoi etu time de telephone aro fax jola thakise. Hoilebe ketya North Korea’s nuclear program opor de tension hoi etu time de otu channels khan toh suspend kora thakise. Kaesong jaga de opening ceremony thaga time de South Korea’s Unification Minister Cho Myoung-gyon pora office toh “cradle of Korean co-prosperity” hobole ase kowah thakise. Etu office pora tuita desh (North aro South Korea) majode meeting thakibole mon-jaa thakise koile eku dekthari nahoi kena meeting lobule ase.