Seoul, 15 October: Monday din North aro South Korea pora mana toh, November nahoile December time deh railways aro roads reconnect koribo laga ceremony thakibole manise. Etu mana toh Demilitarized Zone, Panmunjom laga bosti deh meeting thaki kena mana laga ase. Jaija agae moina time deh etu bosti deh meeting toh besi par thaga ase. 1953 Korean War kothom howah time pora tuita Korean toh civilian travel aro communication khan sob bondh kori kena thaga ase aro etu toh ketya pora aro-suru hobole najani kena thaga ase. Official pora be border area deh tension hoi thaga kothom koribo karni military kotha koribole manise aro Red Cross meeting be war time deh alag hoija khor manu khan reunions koribole karni kotha koribole ase. Etu tuita desh be alag deh 2032 Olympics lobo karni kotha koribole ase. Jowah moina Pyongyang deh President Moon Jae-in met aro Kim Jong Un log powah bechide, Monday din minister Cho Myoung-gyon aro North Korean counterpart Ri Son Gwon log powah toh second par ase.
North aro South Korea pora rasta melibole manise
Add Comment