Agencies, 8 September: Friday din North aro South Korea pora United Nations logode April de mani-kena thaga de circulate koribole koise. April de Korean peninsula pora nuclear weapons hatabole aro Korean War toh kothom koribole mana thakise. North Korea’s UN Mission pora kowah toh, North aro South Korea pora Secretary-General Antonio Guterres aro General Assembly President Miroslav Lajcak logode letter deya de Panmunjom Declaration on Peace, Korean Peninsula de Prosperity aro Reunification khan lekhi-kena ase koise. UN deputy spokesman Farhan Haq pora letter toh paise aro etu de sai ase koise. April 27 de North Korean leader Kim Jong Un aro South Korea President Moon Jae-in toh summit declare koribole mana thakise. North Korea pora koise, 193 UN member state logode document circulate koribole deya de North-South majode phal pora agae jabole mani-kena deya laga ase koise. North Korea pora kowah hesab de, UN members khan support kori kena declare koridese koile Korean peninsula de tension hoi thaga aram pabo koise. UN General Assembly de annual meeting na-howah agae de, Kim aro Moon toh Septeber 10-20 de third summit thakibole ase.
