February 25, 2025, 05:40 PM: North East Christian University (NECU) para tai khan laga 1st Convocation Ceremony loishey, Anchor Complex, Burma Camp, Dimapur tey para, 25th February, 2025. Itu ceremony toh hoiley Nagaland laga Governor – La Ganesan aru NECU laga visitor para grace kurishey, Graduation Speaker hisap thaki kena.
Itu event laga ekta significant highlight kurishey, kuntu toh hoiley Doctor of Letters (Honoris Causa) laga conferment thakishey, Nagaland laga Chief Minister – Neiphiu Rio opor tey, tai laga contribution khan laga recognition kuri kena, public service aru leadership karney.
Governor – La Genesan para tai laga address tey, itu graduate khan ke congratulate kurishey aru itu occasion laga significance emphasize kurishey, itu graduate khan ke tai khan laga gyan, empathy, aru dedication toh agey loi jaboley koishey, kuntu toh hoiley tai khan para cultivate kurishey, NECU tey. NECU laga unique academic approach thaka opor tey highlight kuri kena, Governor para itu institution laga commitment ke naam uthai dishey, classroom laga education ke community service logotey mandatory kuri di kena, ekta impact thaka laga contribution kuriboley karney student khan ke tyaar kuri kena, society nimitey.
Nagaland laga Chief Minister – Neiphiu Rio para, koishey ki, education, global collaboration aru jawan leader khan para Nagaland laga future toh shape kuriboley asey. Tai para itu university ke Academic excellence laga ekta center asey koi kena acknowledge kurishey aru transform kuria laga idea khan nimitey ekta hub asey koishey, dimak khan ke nurture kuria laga ekta jaga asey koishey, kuntu toh hoiley border khan para bhi bishi para sapna paboley diye, koishey.
Add Comment