PUNE, SEPTEMBER 30 : Nagaland Governor, Shri PB Acharya toh Deccan Chamber of Commerce Indusstries & Agriculture Pune Annual Award Function te Chief Guest nemite thakise. Aro etu din toh 27th September 2018 te Hyatt Regency, Pune te manai kena thakise koise.
Etu din te kotha kurikena Nagaland Governor pora aji-kali aro edia majutte hisab kurile ami kan desh te North East States nemite asulte ahkete luijabole laga ase koi kena janaise. Tai bi India desh kan duniya sob desh logot hisab kurile ami kan desh toh besi diktar laga ase. Etu karne North Eastern states kan logot ki huilebi chulti pora ahkete bhal te luijabole kuribo lagi koi kena janaide thakise. Kele etu porahi ami kan desh laga sob jaka ke eke pora bhal te eke nesena luijaa hobo. Aro etu porahi ami kan desh logot bhal pora ahkete jaa hobo koi kena.
Governor Acharya porabi Industrialist kan ke bhal te morom pora aro ekta aro bhal adat pora kam kurikena ahkete luijabole kuribi. Kele Business aro Commerce kan toh ekta Social Responsibilities laga chis ekta bhal te nemite kam kurikena jabole laga ase koi kena. Tai bi aji-kali laga duniya te Business kam kura kan khali neju nemite hi gaama bole nakuribo lagi. Kele manu-manu majutte aji-kali laga zamana te toh sob Business logot mela-mele kurikena thaka laga huijaa huise koi kena. Etu karne tai bhal te manu-manu majutte ekta bhal mon aro adat pora mela-mele kurikena ahkete kam toh kurikena jabole kuribi koi kena janaide thakise. Tai bi DCCIA kan ke alak-alak Programmes kan Government of India pora ula ke ahkete ahe kena bhal te hisha kurikena thakibole kuribi. Etubi Clean India, Digital India, Start Up India aro Make In India kan nemite koi kena janaide thakise.
Tai bi Award baa manu kan ke salam diya aro khushi janaise. Aro ahebole laga din te bi bhal te eneka jabole kuribi koi kena janaide thakise. Etu sal 4 ta Awards hisabte debole kurise. Etubi Lifetime Achievement, Award for Excellence – Public Service, Award of Excellence – Best Industrialist aro award of Excellence – Social Service kan hisabte.
Add Comment