Agencies, 20 August: North East United FC (NEUFC) para etu sal laga Arjuna Award nemide Assam boxer Lovlina Borgohain aro Manipur weightlifter Mirabai Chanu ke juna karni tai ke congratulate korise.
Northeast para etu tuita players ke toh Arjuna Award nemide Union Sports Ministry laga selection committee para jola laga ase. Tai jun toh 29 athletes ke recommend kora khan majode ase.
Union Sports Minister Kiren Rijiju para prestigious award nemide selection committee para daiyar kora list te final fesla lobole ase.
Selection committee para recommend kora list te be Ishant Sharma, Atanu Das, Deepika Thakur, Deepak Hooda, Divij Sharan, aro Sakshi Malik ase.
Poila Assam para five sports personalities ke Arjuna Award powa thakise. Etu awardees te Bhogeswar Baruah, Monalisa Mehta, Jayanta Talukdar, Shiva Thapa aro Hima Das be melikena ase.
All Assam Boxing Association para etu sal laga Arjuna Award nemide Lovilina laga naam recommend kora karni kushi powa janaishe.
Add Comment