North Korea denuclearisation de security guarantee: Putin

Vladivostok, 12 September: Wednesday din Russian President Vladimir Putin pora kowah toh, denuclearisation de agae jabo karni North Korea logode security guarantees debo lagibo koise. Vladivostok laga eastern city jaga de economic forum loi-thaga time de Putin pora kowah toh, North Korean khan denuclearisation koribo karni spb security toh debole wada korise koise. Aro tai khan etu laga jawab honibo karni rokhi ase koise. Even time de Putin pora China’s Xi Jinping aro Japan’s Shinzo Abe logode kowah toh, tai laga bhabuna hesab de North Korean logode besi demand kori thakise koile eku na-pa hoijabo kowah thakise. Trump aro Kim majode denuclearisation agreement sign howah bechide olob phal hoi ase. Vladivostok jaga de North Korean nuclear programme control koribo karni agenda toh besi otha thakise. Monday din Japan’s Prime Minister Abe pora be Pyongyang (North Korea) logode nuclear, messile tests aro Japanese nationals kidnap hoi thaga de phal hobo karni motob koribo kowah thakise. Russua aro China toh North Korea logode border de pongji kena ase. 1050s sal  Korean de chamala hoi thaga time de tai khan sathi (ally) thaga ase. Tai khan North Korea’s denuclearisation de support korise aro Pyongyang logode kelaf koi kena international sanctions kora de khara (abide) khara hoi ase. Hoilebe jowah sal Trump pora military action kora de reject kora thakise.