June 21, 2024: North Korean troops kan border cross kura piche deh South Korean soldiers kan warning shots fire kuri shae aro fire kura piche deh taikan retreat kuri shae. Etu tho third time hui ase, etu mohina deh.
North Koreans, kun kan Demilitarized Zoen buffer deh kam kureh, taikan Thursday din deh South Korea laka jaka deh gusi shae. Gusi nah taikan keh muk para warning dia piche deh retreat kuri shae. Etu kan hua piche deh South Korea kan para warning shots kan fire kuri shae, South Korea laka joing Chiefs of Staff para ekta message deh kui shae, Friday din deh.
Etu incident tho Russian President, Kim Jong Un lokot mila piche deh hui shae. Putin naha agae para heh tension tho puila para heh uthi nah taki shae. North Korea kan aji khali buffer zone deh troops kan pata shuru hui ase. Troops tho mines kan set up kuri bo karne, anti tank barriers set up kuri bo karne aro rasta kan bana bo karne pata ase, South Korea military para kui shae.
Jua mohina, North Korea kan para latera dura ballons kan pata shuru hui shae, border laka par deh. Etu deh jawab dibo karne, South Korea kan ekta 2018 agreement tho suspend kuri shae, kuto North Korea lokot taki shae. Agreement tho military tension komti kuri bo karne suspend kuri shae.
