North Korea, 25 March : Japan toh 2026 World Cup karney qualifying laga final stage dey ekta ball bhi kick nakurina jawoley taiyar asey kitia FIFA kuisheh ki North Korea dey takkhan laga match toh reschedule nahubo. North Korea para Tuesday dey capital Pyongyang dey qualifier stage kuriboley thakishey huilewi khel laga five din agey dey officials para kuisheh ki itu isolated desh para ekta karaan diwoley napariley khel host kuribo naparibo. Friday dey Asian Football Confederation para kuishey ki itu match toh cancel huishey aro weekend dey FIFA para kuishey taikhan laga itu match toh nakhilibo aro reschedule bhi nakuribo, international football calendar dey jagah nathakia kuishey.
North Korea toh itu laga karaan ekta 3-0 forfeit suffer kuribo parey, kuntu para Japan ke World Cup karney qualifying laga third stage dey pathawo parey, United States, Canada aro Mexico dey.
Japan para North Korea ke Tokyo dey 1-0 haraishey Thursday dey aro Asian qualifying Group B dey three khel para three jeet luishey.
Add Comment