North Korea para pata latera ballons para Seoul laka airport keh dictar di shae

September 25, 2024: June mohina para South Korea kan capital Seoul deh joborjost tuita main
airports laka runaways kan bon kuri bole laki jai shae, North Korea para pata latera ballons karne,
ekta South Korean lawmaker para Wednesday din deh kui shae, aviation data keh cite kuri nah.
20 din karne, Incheon aro Gimpo airport laka kun bah nahoileh sob runaways kan landing aro takeoff
karne bon hui jai shae, osor deh ballons kan detect kura karne, Parliament laka Democratic Party
member Yang Bu-Nam para ekta statement deh kui shae.
North Korea para 5,500 laka upor latera taka ballons kan patai shae May mohina para. North Korea
para taikan khali jawab heh di ase kui shae, South Korean activist para pata ballons karne, kuto
propaganda leaflets kan duri taki shae.
Ballons kan para hawa para dureh aro kun bah tho South deh giri jai shae, presidential office aro
airport runaways deh b. Bishi wak ballons kan tho authorities kan para hatai di shae eku incident
nalui nah, hoile b b kun bah para tho airport traffic keh disrupt kuri di shae aro chutu jui kan b cause
kuri shae.
June 26 din deh, Incheon airport runaway tho total 166 minutes karne bon hui jai shae, Yang laka
office para release kura aviation official data isap deh.