North Korea para shoot koriboli order thishe

Washington: September 11, 2020. North Korean authorities para coronavirus bemari rokabo nemite China para aha manuh khan ke gooli mari boli order junai thishe, koikena South te US forces commander para koishe. Komjuri North khan health system nemite virus ke saboli dhuk thaka toh, China te bemari ola beche ekta cases te nai koishe. Pyongyang para China logot border toh January moina te bemari nemite bondh korikena ase aro July moina te state media para koishe ke, desh te state of emergency toh lakai thishe. US Forces Korea (USFK) commander Robert Abrams para koishe ke, border bondh kora nemite samaan toh chor koriboli olaishe, etu para authorities khan para saiase koishe. North para “buffer zone, koikena olaishe aro etu “Chinese border para ek, tui kilometer jaikena ase”, Abrams para koishe, Thursday din Washington te Center for Strategic and International Studies (CSIS) para online conference organized korishe koishe. “tai khan hath te North Korean SOF (Special Operations Forces) ase aro gooli mariboli order thikena ase”. Border bondh korikena thaka nemite economic toh besi dhuk te ase aro China logot business toh 85 percent te lamikena ase. North Korea toh Typhoon Maysak logot besi dhuk para keliase, state media para janaise ke, desh te 2,000 oper ghor be beya hoikena ase.  North Korean para notun missile test kora te aro ekta sign ase ke US aro Pyongyang pithor te kotha kori thaka toh bhal nahobo aro etai Kim aro US President Donald Trump kotha koi thaka toh rokikena ase koishe. Trump, November moina te aro election te jabole nemite US leaders khan Kim dynasty laga manuh logot lok baboli ase koishe. Thursday din te, Trump para eku kotha nakoikena “Kim Jong Un toh bhal halat te ase. Tai ke komjor bhabibo nalaki  koishe.