February 3, 2024: North Korea kan para taikan nutun “super-large” warheads lokot deh cruise missiles tets kuri shae kui shae aro nutun type laka anti-aircraft missiles kan keh test kuri shae kui shae. Saturday din laka report kuto North Korea para banai shae, etu report tho thik South Korea laka military para report dia piche deh ahi ase. South Korea laka military para taikan laka west coast deh North kan cruise missiles kan bishi launch kura detect kuri shae kui shae. 2024 deh North kan enaka weapons launch kuro tho 4th time ase.
North Korea laka photos kan deh ekta low-flying cruise missiles ekta target deh strike kura diki shae kuto ekta coastal shore deh taki shae. Alak deh ekta projectile mati para launch kuri nah upor jah dikai shae.
Cruise missiles karne aro dangor warheads kan announce kura tho, North Korea taikan etu missiles kan tho nuclear weapons lokot armed kuri bole ase kui nah dika bole koshish kuri ase pareh. North Korea laka official Korean Central News Agency para kiman missiles test kuri shae, etu tho kwa nai aro taikan laka performance deh b eku kobor dia nai.
Add Comment