September 14, 2024: North Korea kan para first time karne taikan laka uranium enrichment facility dikai shae. Etu photos kan deh leader Kim Jong Un tho tai facility keh tour kuri taki shae aro tai laka nuclear arsenal keh boost kuri bo karne aro centrifuges mangi taki shae.
Country, kuto para taikan laka first nuclear test tho 2006 sal deh conduct kuri shae aro taikan laka banned weapons karne UN Sanctions laka rafts pitor deh ase, taikan kitia b taikan laka uranium enrichment facility deh details kan disclosed kura nai.
Enaka nishi nah facilities kan centrifuges deh original material tho high speed para spin kuri nah highly enriched uranium produce kureh. Kim para Nuclear Weapons Institute aro weapons grade nuclear materials laka production base keh tour kuri shae,” Official Korean Central News Agency para facility laka location nakoi nah report kuri shae.
Kim para self defense karne nuclear weapons uthai dibo karne centrifuges laka number tho uthai di bole lakeh kui nah stress kuri shae, State media para report kuri shae. Media para Kim tho centrifuges laka row kan inspect kura photos kan publish kuri shae.
North Korean leader keh facility tho kinaka kam kureh, etu deh brief kuri shae. Tai keh “study, develop kuri nah nuclear materials kinaka produce kureh, etu janai di shae aro sob system elements keh introduce kuri di shae,” KNCA para kui shae.
North Korea laka nuclear weapons programmes tho UN Sanctions para ban kuri nah ase, hoile b country tho restrictions keh obey nakureh.
Add Comment