October 19, 2024: North Korea para Russia deh taikan laka troops kan patai di shae, Ukraine laka against kili bo karne. 1,500 nishi nah soldiers kan Russia deh puila para heh punchi nah ase aro itia b 12,000 nishi nah soldiers kan ahi bole expect ase, South Korean media para report kuri shae.Agae deh, Ukrainian president Volodymyr Zelensky para 10,000 niihi nah North Korean soldiers kan Russia laka side deh war join kuri bo pareh kui shae. South Korean President Yoon Suk Yeol para international community keh warn kuri shae, etu move tho ekta “dangor security threat” ase kui nah aro National Intelligence Service lokot deh ektra review meeting lua time deh action karne hudi shae.NIS para news agency Reuters keh taikan Ukrainian intelligence services lokot deh kam kuri nah ahi ase kui shae ari Ukraine laka Donetsk region deh North Korean officers keh identify kuri bo karne facial recognition AI chui shae kui shae.North Korean soldiers kan ekta Russian military base deh aha ekta video deh social media deh share hui ase. Russia aro North Korea tho bishi close sathi hui jai shae, North Korean leader Kim Jong Un para Putin keh taila sobse osor taka sathi b ase kui shae.
North Korea para troop kan patai shae, Russia laka war keh motot kuri bo karne
Add Comment