North Korea pora 13-20 nuclear missile bases lokai kena ase: US researchers

Washington, 13 November: Monday din notun study ola hesab deh, North Korea pora nai-nai koilebe 13 nuclear-capable missiles lokai kena kum kori thaga paise. Etu karni US President Donald Trump’s pora foreign policy plan kora toh kum nahobo naki koikena doubts kori ase. July moina denuclearization nemide North Korean leader Kim Jong Un aro Trump majode summit thakise. Etu pora tuita desh majode chamala thaga toh namija thakise. Singapore deh summit thaga bechide North Korea pora nuclear aro missile test rokhija thakise. Summit time deh North pora missile test site kothom koribole aro desh laga main nuclear complex kothom koribole wada kora thakise. Hoilebe Centre for Strategic jaga laga researchers aro Washington jaga laga International Studies pora kowah toh, tai khan pora 13 missile kum kori thaga jaga janise. Etu toh government pora declare koranai aro nai nai koilebe 20 nesana thakibo pari koise. CSIS’s North Korea program lead kora Victor Cha pora The New York Times deh koikena thaga toh, etu bases (nuclear jaga) toh rokhijaa nesana nalagi. “Kum toh jai ase. Sob manu khan mondukh hoi thaga toh Trump pora etu beya deal deh manibole ase—tai khan pora ami khan ke ekta single test site dese aro kunbah site he kothom korise aro return deh tai khan peace agreement pai ase.”