South Korea, 15 Oct 2024: North Korea pra northern section rasta South Korean lokot join kurina thake ke phutai dishey. South Korea’s military khan pra janai dishey.
Military demarcation line la kunba north side rasta etu duita country ke bhak kure toh phutai dishey din faneh (03:00 GMT). Joint Chief of Staff khan pra media ke Tuesday din te message kurishey.
Military khan demarcation line la south te warning nishina guli b marishey.
Seoul khan Monday te pra warning dishey ki Pyongyang khan rasta phuta boleh tayari kuri ase.
Korean Peninsula te tension bishi uthi jaishey kileh koileh North Korea khan pra South Korea khan ke accused kurishey taikhan drones phatai shey koikina. North Korea pra koishey taila capital Pyongyang te drone pra propaganda leaflets bhuki ase.
South korea military khan olop deri hoina blast la video footage dikhai shey.
Duita rasta te biya kura pichideh, analysts khan pra koishey etu bangai dia matlab toh North Korean leader Kim Jong Un toh South Korea khan lokot khota kuribo leh manzur nai.
Add Comment