North Korea: Public osor te smoking bondh

Seoul: November 5, 2020. Wednesday din North Korea laga Supreme Peoples Assembly para notun hokom bona te public chaka te smoking ban koribo koishe. Manuh khan nemite“chaka toh sapa”thakibo nemite ase, koikena Thursday din KCNA para janai thishe. Tobacco bondh kora hokom para bapana korikena North Koreans manuh khan logot health aro jevan pachabo nemite ase koishe. Etu ekla nahoina, cigarettes bona aro beka thaka laga legal aro social controls kora toh tight koribo ase, etu khobor toh legislature para kowa KCNA par janai thishe. Law para koishe ke, smoking toh banned ase aro chaka neshina political aro ideological education centres, theatres aro cinemas aro medical aro public health facilities te thakibo, koikena KCNA para koishe. North Korea te smoking laga rate toh sobse oper 43.9% te ase aro etu motha manuh laga 2013 saal hesab te ase, koikena World Health Organization para janai thishe. North Korean leader Kim Jong para be besi smoke kori koishe, tai he hotai hath te cigarette thurikena state media noksa te olai thaki. 2019 saal te, Kim toh Hanoi te U.S. President Donald Trump logot second summit jai thaka samai southern Chinese city Nanning laga railway station te cigarette kai thaka thikishe koishe.