North Korean leader Kim Jong Un, halat beya te ase

August 24, 2020. North Korean leader Kim Jong Un toh halat beya ase etu nemite tai laga bhuini  Kim Yo-jong para national aro international kam sob sai ase koishe. Monday din Media besi para khobor thishe ke, United States laga intelligence hesab te North Korean leader toh surgery kora beche halta besi beya hoikena ase. Kim Dae-Jung laga political affairs secretary aro  state affairs monitoring office,  Chang Song-min para social media  te koishe ke, North Korean leader para kuan manuh ke be authority natibo, tai besi bemar nohoile koishe.  “ami koi ase ke, tai (Kim Jong Un) laga halat toh besi beya te asem hoilebi, tai laga jeevan toh kotom howa nai” tai kowah toh The Korea Herald para janai thishe. “etai kam sob kotom howah nai etu nemite Kim Yo-jong ke agae te anikena ase, keli koile kali chaka toh besi deri rakiboli napareh” tai aro koishe. Chang para koishe ke, besi moina Kim Jong Un laga halat beya thaka nemite public osor te ahiboli parah nai. Tai ke last din thika toh April 11 darik te Workers’ Party politburo meeting  samay thakishe aro South Korean President Moon Jae laga top security adviser osor te Kim Jong toh jenta aro bhal ase koishe. Etu samay United States President Donald Trump para North Korean leader, surgery kora nemite jolti bhal hoboli janai thishe. Hoilebi Trump para North Korean Leader laga halat toh beya ase koikena khobor eku junai deya nai. Donald Trump para reporters khan logot White House te news conference samay koishe ke. “khobor toh etu khan ase aro ami khan nejani, ami toh tai logot besi bhal para melekina ase, aro ami tai ke jolti para bhal hoboli koishe, keli koile khobor hona hesab tai besi serious te ase”. “ami Kim Jong-Un logot koboli thaka toh good luck koiase..tai oper te medical reports toh besi serious olai ase, hoileni kuan para be confirmed nai. CNN para khobor toh thishe, hoilebi CNN logot besas toh besi nai”, Trump para koishe.