December 28, 2024: Ekta North Korea soldier, kun Ukraine laka against Russia laka war kili taki shae aro duri shae, tai jokom para muri jai shae, South Korea laka spy agency para Friday din deh kui shae.
Pyongyang para hazar nishi nah troops kan patai nah ase, Russia laka military keh kara kuri bole. Utu North Korean soldiers deh ekta keh zinda duri shae, Ukrainian army para. Ekta South Korean intelligence source para AFP keh kui shae. Taikan para taike kuteh duri nah ase, etu laka jaka tho najaneh kui shae.
Olop kanta piche deh, Seoul laka National Intelligence Service (NIS) para soldier tho jokom para muri jai shae kui shae. “ December 26th deh dura North Korean soldier tho jokom para muri jai shae kui nah confirm kuri nah ase, ekta allied intelligence agency para,” NIS para ekta statement deh kui shae.
Ukrainian President Volodymyr Zelensky para 3,000 nishi nah North Korean soldiers kan muri shae nahoileh jokom kai nah ase kui shae, taikan Russia troops deh gusa piche deh. Zelensky para etu kwa pichi deh Friday laka confirmation tho ahi ase.
Add Comment