Agencies, 13 December: Northeast toh hoile petroleum saman aro tusara kaam laga samaan nathakikena ahibole din dekthari pai thakibole ase.
Khobor hisaab deh, Indian railway authorities para goods trains ke petroleum saman bokha be melikena Northeast deh napothabole janaishe kelay koile region toh CAB, 2019 deh kelaaf korikena protest kori thaga nemide.
Assam, Tripura aro Meghalaya laga manu khan Citizenship Amendment Bill (CAB), 2019 ke kelaaf korikena pahar deh olaise.
Wednesday deh Northeast Frontier Railway (NFR) para total 30 passenger trains toh cancel korise. Khobor hisaab deh, Centre para kaam laga saman khan majode petroleum products be melikena Northeast deh bondh kuribole plan korise. Etu toh hoile region ke gara para protests kori thaga toh komchor koridebole nemide ase.
Guwahati deh curfew lakaideshe koilebe aro Army khan flag march korise koilebe Thursday din besi protestors toh rasta deh olaikena Citizenship Amendment Bill (CAB), 2019 deh kelaaf korise.
Guwahati deh security forces aro police para firing kora nemide total three anti-CAB protestors morise.
Add Comment