Bihar te huwa Northeast Express train accident te murija ama laga naam Usha Bhandari thakisey aro tai laga umar tu 33 years thakisey aro tailaga chukri laga naam Aakriti thakisey aro tailaga umar tu 8 years thakisey.
Taikhan duijun bi Assam laga Tinsukia district laga Sadiya jaga para asey.
Wednesday (October 11) te, Bihar laga Buxar district laga Raghunathpur osor te Northeast Express train tu track para bahar olaija picheyte komsikom 4jun manu murijaisey.
Etu Northeast Express train tu Delhi laga Anand Vihar Terminal para Guwahati, Assam laga Kamakhya station fale jai thakisey.
Etu homoitey, etu Northeast Express train laga fasikina thaka passenger khan ke Assam laga Guwahati seher te ekta special relief train te anisey.
Assam laga CMO para koisey, “Train 12506 (Northeast Express) tu etya Raghunathpur station para Kamakhya junction te ahi asey.”
Pasikina thaka passenger khan ke Assam laga Guwahati seher te ana train tu Guwahati laga Kamakhya station te Thursday (October 12) laga 11 pm tak te pungchibole akha kuri asey.
Add Comment