NORTHEAST | December 14, 2019:Assam aro dusra Northeastern states khan dail supply laga chamela te dikdaar pabole nishena ase.Judi Citizenship Amendment Act laga khilaaf agitation toh chuli thakishe koile toh aro ek haafta nishena .Kile koile toh tai khan akhe para hi region laga refineries aro oil producing facilities khan bondh hoi jaishe.
Indian Oil Corp (IOC) khan ke joborjosti Assam laga Digboi refinery bondh kuribole dishe aro Guwahati te unit para kaam kuri ase minimal throughput te aro Oil India Ltd khan ke joborjosti LPG production aro tai khan laga crude oil production 15-20 per cent para girishe.
Sources khan koishe ki etu agitation para tankers aro truck khan berai thaka rukhaidishe etu toh bishi bak petrol diesel aro LPG supply kura toh refineries khan para Northeast laga alag alag jaka te bondh kuri dishe.
Oil India Ltd para etu LPG production te etu eki reason nimete hi bondh kurishe aro koishe ki agitation para employees khan bi eman beranai kun khan refinaries aro oil installation te kaam kuri thaka toh.
Source koishe ki “Thursday din para hi ekta employees bi Oil facilities te punchibole paranai aro koishe Friday din te thik thakishe hoilebi attendance toh komti thakishe.
Protestors khan para Guwahati aro Digboi refineries khan laga employees khan olaidishe tai khan ke kaam khan rukhaidikena.
Source khan koishe judi etu agitation toh 7-10 din chuli thakishe koile toh etu region te dail komti thakibo stockes khan khotom hoishe koile toh.
Assam laga third refinery Bongaigaon toh maintainance nimete bondh kurikena thakishe etu agitation shuru huwa time te .
Police khan firing kura time te protestors khan uporte dui jun manu murishe aro 11 jun khan ke jhokom kurai dishe kun khan rassta te jaishe Parliament khan para Citizenship Amendment Bill ke approved kura pichede etu para illegal immigrants khan ke legal resident bonabole nimete .
Add Comment