May 22, 2024 : Northeast Startup Catalyst Program toh hoiley NIELIT Kohima laga Auditorium tey para loishey, 22nd May 2024 tey, Industries & Commerce laga Director – P. Tokugha Sema logotey, tai tatey special guest thaki kena.
Itu launch kuria laga program tey kotha kuri kena, Tokugha para koishey ki, itu programme toh hoiley ekta testament asey, itu collective commitment karney, innovation aru entrepreneurship foster kuriboley itu region tey. Tai para mention kurishey ki, itu initiative toh hoiley khali start-up khan ke he support kurey eneka nahoi, itu toh hoiley itu entrepreneurial ecosystem ke majbut kurey Nagaland tey aru itu pura Northeastern region tey. Tai para inform kurishey ki, itya karney, Nagaland tey toh hoiley paachta incubator khan asey empanel kuri kena thaka laga, start-up Nagaland under tey aru aru itu paachta incubator khan majetey NIELET bhi ekta asey, positive changes khan banai ken aitu ecosystem tey, sob bhi nijey nijey laga, start- ups ke nurture kuriboley, lagi thaka resources, platform aru mentorship khan provide kuri kena.
Sema para sob itu decision maker khan, leaders khan, aru resourceful manu khan ke urge kurishey, active para support aru guide kuriboley koishey start -up khan ke aru koishey ki, tai khan laga assistance para ekta significance difference banaboley paribo, innovative idea khan transform kuriboley, successful business khan tey. Tai para NEILIT opor tey gratitude express kurishey, itu impactful programme organise kuria nimitey, aru add kurishey ki, sob manu khan laga collective effort para bishi start up khan toh hoiley successful hoboley paribo aru itu toh hoiley itu socio- economic development karney, itu region laga.
Add Comment