Manila, August 6, 2026: Philippines te char jun manu mure she mati gerea piche, authorities khan para enia koi she Thursday te, tateh pahne beshe pani purea ase koi she aro country laga north khan te school khan bon kure bole lage she. Philippine laga main island Luzon te pani beshe purea ase ja chra din khan te. Government offices aro schools khan ke order de she bon kure bole capital aro northern provinces khan te pani purea karne. Benguet province te, ekta hillside te mati gere she ekta chuti restaurant laga opor te Thursday te, kute tinta manu kun choka te kam kure thake she, tai khan ke dabnai de she mati betor te. Colonel Dionisio Bonuy para koi she ki, ekta jun toh bacha kena ase, hoile be alak duata toh mure she jaga te para he. Country laga national disaster agency para koi she ki, aRizal province te be dua jun manu mure she mati gerea piche.
August 6, 2026
World's First and Only Nagamese Newspaper
