New Delhi, 18 November : Portugal FIFA World Cup 2026 te jabo karone ticket confirm kori loise, Armenia te kunba problem nohoikena Porto te 9–1 laga dangor jeet loi. Captain Cristiano Ronaldo recent Ireland pora hara te paise red card karone suspension te thaka pora khelibo naparile bhi Portugal ekdom dangor performance dikhaidi loise.
Bruno Fernandes aru Joao Neves duijon bhi hat-trick score kori loise aru team ke World Cup qualification te loi jabo te barikor help kuri loise. Goal laga shuru hoise Renato Veiga laga header pora, jun goalkeeper Henri Avagyan laga parry pora bounce pai net te ghusi jaise.
Armenia equalise kori loise jetiya Eduard Spertsian Grant-Leon Ranos laga cross te connect kori score kori loise. Kintu Portugal bhal te chance paise aru Armenian defender laga mistake pora Ramos ekdom easily score kori Portugal ke wapas lead te loi jaise.
Bisi time nohoike Bruno Fernandes ekta perfect assist dishe aru Neves thumping finish pora aru ekta goal score kuri loise. Neves ekta bhal free-kick pora dusra goal bhi loi loise. Fernandes laga tinita goal te duita penalty include ase aru majot ekta right-foot finish ase.
Portugal laga celebration din end hoise Neves laga third goal aru last-second strike pora Francisco Conceicao pora.
Erling Haaland, jun ekdom goal-machine nishina ase, duita goal aru add kuri loise juntu karone Norway Italy ke 4–1 te Milan te harai loise. Iman bhal performance pora Norway 1998 pora prothom bar World Cup te wapas jabo. Italy khali play-off place te adjust kuri loise.
Norway laga World Cup return ekta perfect qualification record pora ahe. Italy ke beat kori bilai time paise. Italy early goal score kori loise — Federico Dimarco laga pass Pio Esposito pora neat spin aru strike pora. San Siro te bhorti crowd olop hope paise kintu second half pora game ulta jaise.
Second half te Norway ekdom improved hoise. Antonio Nusa ekta powerful left-foot strike pora equalise kori loise. Oscar Bobb Haaland ke assist kori ekta beautiful volley score kori loise. Haaland ekta aru add kuri loise aru qualification campaign te Robert Lewandowski laga 16 goals laga record equal kori loise. Jorgen Strand Larsen stoppage te aru ekta add kuri Norway laga victory ke complete kori loise.
Group F te second place aru play-off berth Ireland loi loise. Hungary te duibar piche jabo pora, added time te winner score kori stadium ghor te fans ke chup kori loise.
Group D te runner-up spot Ukraine loi loise, Iceland upare dui late goals score kori.
Dusra matches te:
• France Azerbaijan ke harai loise
• England Albania ke harai loise
• Serbia Latvia ke beat kuri loise
• Israel Moldova ke harai loise
England captain Harry Kane duita goal add kori loise aru Three Lions laga perfect qualification campaign complete hoise.
Add Comment