Notun Coronavirus tuh 10 saal ake te Janwar (Bats) para spread hoi thakishe: Study

July 30, 2020. Notun coronavirus tuh dos(10) saal ake para bats logot thakina bemar tuh spread kuri thakishe, scientist khan para paishe. Horseshoe bats para SARS-CoV-2 bemari tuh hoi koikena Pensylvania State laga University’s Center for Infectious Disease Dynamics, Maciej Boni para Tuesday din te Nature Microbiology laga study hesab te koishe. Virus nemite center te debate besi thaki ase aro economies ke be confuse kuri thikena manuh mora tuh 654,000 oper koikena ase koishe. World Health Organization para experts khan ke etu moina China te etu issue study kuriboli botaishe, keli koile US government officials khan para virus tuh Chinese lab para ola ase koishe. Bemari olo logot virus aha rasta besara tuh important ase, etu para health authorities khan para janwar logot bemari thaka tuh manuh ke alak kuriboli parehbo aro etu para aha din laga health crises ke be motob thibo. Researchers khan para warn kurishe ke, bats logot dosura virus thaka para tuh manuh ke spread hobole besi osor te ase koishe. Study hesab te, “virus ke identify kuriboli tuh besi dhuk ase, keli koile, virus ke nepa ake te manuh khan ke boila para besi beya kurikena ase, Boni aro tai laga sati para lekishe. Research team khan para virus ola chaka tuh aro history melaikena besari ase. Tai para janishe ke, janwar (pangolins) logot te virus tuh jama hoikena nathakim hoilebi etu janwar para bemari tuh dosura ke chowa para virus tuh lakai dey koishe.