Notun FM Station kholidese

NEW DELHI, SEPTEMBER 25 : Pakistan desh pora India desh laga ki-ki khobor toh Radio khobor te ulta-bolta kotha janaide kena thakise. Aro etu pora India desh ke besi nahua chamala ulaide thakise. Etu karne Monday din India pora bi ekta Radio laga channel FM Station toh kholidese. Etubi Amritsar jaka osor laga Border te. Aro etu Indian FM Station pora khobor kura (broadcast) toh khali etu jaka laga border nemite hi nahui. Huilebi 50 km dur Pakistan jaka (territory) tebi etu FM Station pora khobor janaidebole bara laga ase koise.Etu FM station toh 20kW laga ase. Etubi Air India Radio (AIR) laga. Aro etu toh International Border, Amritsar jaka osorte ase. Aro etu toh Minister of State for Social Justice aro Empowerment Vijay Sampla pora asul te husa bi kholidebole ase koi kena, AIR khobor pora janaise.Etu FM Station toh Domestic aro External Broadcast nemite bi julabole ase. Aro etu Station pora khobor janaidiya toh nai-nai koilebi 90 km dur jaka kan ke hunai debole bara laga ase. Aro Pakistan jaka bitor hisabte 50 km dur bitor te hunaidebole bara laga ase koise. Aro etu ula toh ekta bhal laga kotha ase koi kena, khobor te janaise.