September 29, 2020. Notun test para Covid-19 toh minutes pithor te result junai thibo aro etu low- aro middle-income desh khan nemite ase koikena World Health Organization (WHO) para koishe. Monday din te BBC para koishe ke, $5 test para Covid-19 bemari toh kurib desh te joboli, kaun desh te healthcare manuh komti aro laboratories nathaka chaka te. Etu bona manuh khan logot felsa korishe ke, choi(6) moina pithor te 120 million tests neshina tai khan para thibo.
WHO’s laga head para tangor kamyab hoishe janai thishe. Test kora beche result besi deri para ola nemite, desh besi te coronavirus spread hoi thaka toh control koribo napareh naa ase. Konuba desh neshina India aro Mexico te bemari besi thaka nemite, experts khan para kowa toh test komti lowah nemite bemari toh lokai ase koishe. “notun aro joboli asani test” para result toh 15 aro 30 minutes pithor te olabo, boila toh gonda nohoile din be loi thakishe, koikena WHO Director General Tedros Adhanom Ghebreyesus para Monday din news conference thaka samay koishe. Tawai bona company Abbott aro SD Biosensor para charitable Bill aro Melinda Gates Foundation logot kotha koikena manishe aro 120 million test bonabo, Tedros para aro janai thishe. Etu deal para 133 desh ke cover koribo aro etu pithor te Latin America, kaun chaka te etai bemar besi beya hoikena ase etu be samil koribo.
Add Comment