Notun Gujarat CM: Bhupendra Patel para notun Gujarat Chief Minister hisab te waada loise

Agencies, 13 September: Bhupendra Patel para Gujarat laga 17th Chief Minister hisab te September 13, 2021 at 2.20 pm te waada loise.  Etu agae tui din Gujarat CM Vijay Rupani toh tai thaka post para resignation deya thakise.  Swearing-in ceremony te Home Minister Amit Shah aro tusara BJP leaders thakise. States te BJP laga para rule kora CM khan te Madhya Pradesh CM Shivraj Singh Chouhan, Haryana CM Manohar Lal Khattar aro  Goa CM Pramod Sawant be melikena  ceremony te thakise.  Prime Minister Narendra Modi para Bhupendra Patel ke Gujarat CM hisab te waada lowa nemite congratulate korise. PM Modi para tweet te Patel ke toh besi sal para jani koise aro tai laga exemplary kaam -BJP Organisation nahoile civil administration aro community service te dekhise koise. Tai para sure Gujarat laga growth trajectory te phal koribo koise.  PM Modi para Vijay Rupani laga term opor te koise. Tai five sal CM hisab te thaka samai, Vijay Rupani Ji para besi peop;e-friendly measures loise koise. Tai society laga sob sections nemite ektum dukh korikena kaam korise koise. PM para be tai ahibole din public service te motob kori thakibole sure ase koise.  BJP MLA Bhupendra Patel ke toh NJP Legislative Party laga notun leader hisab te September 12 te juna thakise.  Former Gujarat CM Vijay Rupani para Patel ke tai laga support dekhaise. Bhupendra Patel toh capable ase koise. Tai laga leadership pithor te state te ahibole election te BJP para jetibole ami khan bhabona ase koise.  Bhupendra Patel para Ghatlodiya assembly constituency toh 2017 te margin 117,000 votes para jeta thakise aro toh poll te sobse besi margin thakise. Next Gujarat Assembly polls toh 2022 laga agae moina phali lobole ase.