New Delhi, 19 August: Monday din Geneva-based International Road Federation (IRF) koishe, “Motor Vehicles (Amendment) Act, 2019 deh notun penalties aro punishment suru kora para traffic rules phal hobo nemide motob pabo aro road accidents howah be namibo”.
Etu para Parliament deh Act toh passed kora thakise aro President para etu deh mana thakise. Etu toh September direk para suru hobo nesana ase.
IRF President Emeritus K.K. Kapila koise, “India deh road safety phal koribo nemide etu toh kaam laga step ase. Bill deh besi bhari penalties thaga aro primary traffic law enforcement tool worldwide para India deh road safety toh phal hobole ase”.
Kapila koise, India deh road accede para mora toh duniya deh 12 percent para besi ase.
Tai koise, “Hotai sal India deh 500,000 opor road accident hoise aro 147,000 opor mora aro jokhom powah thaki. Desh deh motor accident para be youth aro bacha khan ke moraideya thaki”.
Tai koise, Technology jola deh otha deh traffic violations deh sabo nemide cameras jola aro bhari fines para rules toh phal hoijabole ase.
Kapila koise, notun penalties deh juvenile driving, drunken driving, over-speeding aro over-loading ase.
Tai koise, “Helmet nalakai kena gari jola khan ke be bhari penalty pabole ase. Regulating road users’ behaviour nemide provisions gara kora para India deh road accident deh mora aro jokhom powah toh komti hobole ase.
Tai koise, bill para desh deh ektum dukhiya driving licence regime deh phal kuribole ase.
Tai koise, Heavy Motor Vehicle drivers khan hotai tui sal bechide test deh jabo lagibo.
Add Comment