AMRITSAR: Punjab laga notun Governor, Banwarilal Purohit para Amritsar Golden Temple visit korish koishe. Shiromani Gurdwara Parbandhak Committee (SGPC) para Governor ke welcome korishe aro siropas aro Sri Darbar Sahib miniature para saman korishe. “ami Sri Harmandir Sahib te aha toh 1st samai ase aro divine hymns honishe, ami besi kushi ase aro ke aji Darbar Sahib visit kora kamyaab hoishe,” koikena Purohit para janaishe. Etu beche, Governor para Jallianwala Bagh te homage thishe aro etu samai Bagh controversy te renovation nemite eku kotha kowa nai. Etu beche tai aro Durgiana Temple te jaishe aro etu samai temple committee para temple laga picture saman korishe. Punjab Health System Corporation (PHSC) Chairman aro former national vice chairman of Nehru Yuva Kendra (NYK) Sangathan (Govt of India) Amardeep Singh Cheema para Centre oper te historic Jallianwala Bagh monument renovate koribo thaka nemite kelaaf korishe. “etu kam style toh Modi government para organize korikena national martyrs jaga toh Disneyland theme parks bonaboli ase.” “Congress party, freedom struggle samai sacrifices korikena British rule para alag hoishe aro itya monument bonaboli nemite funds othai ase. First prime minister Pandit Jawahar Lal Nehru aro President Babu Rajendra Prasad para historic Jallianwala Bagh Memorial toh inaugurated korishe. Etu kam toh kelaaf koriboli lage, keli koile BJP-led NDA government para history toh leki ase.” “Jallianwala Bagh renovate kora toh manuh khan logot history powri thibo nemite ase. Jodi government para historical jaga toh respect aro preserve koriboli naparile keneka desh toh ekhe te loikena jabo?” koikena Cheema para sawal korishe.
Notun Punjab Governor para Golden Temple visits korishe
Add Comment