India, 13 June : Notun appoint kuria Sports Minister Mansukh Mandaviya, Thursday dey yatey IOA President P T Usha logot ekta meeting homoi India laga Olympic taiyari laga stock luishey.
Prime Minister Narendra Modi andar dey notun NDA government ke June 9 dey office ke swear kuria piche dey Mandaviya para Tuesday dey ministry laga charge luishey. Mandaviya para itu position dey Anurag Thakur ke podli kurishey.
Itu ek gondha lamba meeting homoi, kuntu State for Sports laga notun Minister, Raksha Khadse, Sports Secretary Sujata Chaturvedi, aro Sports Authority of India Director General Sandip Pradhan para attend kurishey, Mandaviya ke Paris Games karney desh laga taiyar dey kuishey.
Usha para kuishey ki minister logot itu interaction toh bhaal para jaishey huilewi details dey divulge kurianai.
Usha hope kurishey, ki Tokyo Games nishna, India laga contingent toh itu par bhi 100 excess dey thakibo.
Paris Olympics toh itu saal July 26 para August 11 tak thakibo.
Notun Sports Minister Mansukh Mandaviya, IOA Chief PT Usha ke log paishey
Add Comment