California, 4 March : Carlos Alcaraz laga Indian Wells “three-peat” jiti lobole quest te, quarter-final stage te Novak Djokovic logot takoribo lage paribo, aru women’s defending champion Iga Swiatek bhi tough opponent logot kheli boloi pabo, Monday din release kora draw hisab te.
January mahina te Australian Open semi-final te pochabo nimite Djokovic Spain laga Alcaraz ke harai dise, aru ahi thaka tournament te tai 100 career singles title pabo nimite try kuribo ase. Itu tournament Wednesday din California laga desert te shuru hobo.
Serbia laga Djokovic, first-round bye paise aru 1000-level event te ekjon qualifier nai hole Australian firebrand Nick Kyrgios logot tai laga campaign shuru kuribo. Tai laga recent injury concern thakibole nai koi asha ase.
Men’s draw hisab te, German top seed Alexander Zverev aru Greek rival Stefanos Tsitsipas ekjon upor quarter-final te kheli boloi pare. 2022 champion aru home hope Taylor Fritz bhi final eight te Russian Andrey Rublev logot takoribo pare.
Women’s side te, Polish second seed Swiatek aru Chinese seventh seed Zheng Qinwen ekjon upor quarter-final te kheli boloi pare. Olympics semi-final te Qinwen, Swiatek ke harai dise, tai nimite itu match bhi interesting hobo pare.
Top seed Aryna Sabalenka, last mahina te Doha aru Dubai te early exit kora pichite, Italian Jasmine Paolini logot semi-final pochabo nimite takoribo pare.
All-American quarter-final clash bhi possible ase, nohoile 2023 U.S. Open winner Coco Gauff aru noutun Australian Open champion Madison Keys ekta bracket te thaka karone.
Tara dukhon American mahila laga Indian Wells trophy drought shesh kuribole asha ase, jun last time 24 saal agey Serena Williams jitise.
Add Comment