London, 25 November : Bishi saal karne tai logot bishi matches khiliq piche te, former World No.1 Novak Djokovic tai laga ex-rival Andy Murray ke appoint kuri dise tai laga coach, 2025 season laga first Grand Slam Australia te.
37 saal umar Djokovic, Serbia pra, Saturday din social media te announce kuri dise ki longtime saathi aru rival Andy Murray tai laga notun coach hobo next Australian Open Melbourne pra shuru kuri bole. Andy Murray, jun itu saal Paris Olympics te professional tennis pra retire kuri dise, eto din professional kheladi thakise.
Duita jon ekta haafta difference te May 1987 te jonmise aru duita ATP Rankings te top te uthise aru duniya laga dangor stage te khelise. Djokovic aru Murray 36 ATP match te face kuri dise, jun te Djokovic 25 jeetise. Tai khan 19 finals te khilise, including 7 major finals aru 2016 ATP Finals te championship match. Last te duijon 2017 Doha final te khelise.
Add Comment