Novak Djokovic para Rafael Nada keh tennis nachari b kui shae

October 20, 2024: Saturday din deh Novak Djokovic para Spaniard keh harai dia piche deh long time-rival keh tennis nachari b kui shae. Tai para Rafael Nadal keh taila planned retirement tho chari d b kui shae. “Tennis nachari b nah,” Djokovic para ekta on-court interview deh kui shae, Nadal keh 6-2, 7-6 (7/5) deh harai piche deh. Etu match tho “Six Kings Slam” exhibition deh hui shae, Saudi Arabia jaka deh. Tai para sal para taijun laka battles tho bishi gorom taki shae kui shae aro Nadal keh, taijun ek din ekta seat deh buhi nah, drink ekta kabo leh hope kuri ase kui shae. Nadal kun 38 sal ase, tai para October 10 din deh, tai tennis para retire kuri bo kui shae, Malaga deh hobo lah David Cup Finals kotom hua piche deh. Saudi Event laka organizers kan para Saturday laka match tho Nadal laka last single contest b hobo pareh kui nah bill kuri shae. Thursday  din deh Nadal tho sure nahoi kui shae, Malaga deh singles kili bole fit taki bo nah natakibo kui nah. Djokovic aro Nadal, kun kan sports laka famed “Big Three” deh ase, Roger Federer lokot deh ase, taijun ekjun ekjun keh 60 time face kuri shae. Tateh Djokovic olop matches karne agae deh ase, 31-29. “Bishi emotional din taki shae aji, kile koile muila sobse dangor rival lokot deh muila last match taki shae,” Djokovic para post-match interview deh kui shae.