Novak Djokovic pora Shanghai Masters title jetise

Agencies, 14 October: Sunday din Novak Djokovic pora Shanghai Masters title jetise. Tai etu title toh Croatian Borna Coric logode 6-3 6-4 score pora haraide kena jeta laga ase. Tai etu par jeti kena jar-par wala hoise. Sixth game deh 31-sal Serb pora Coric’s laga serve beya koridese aro tai net deh ektum kathar pora thalai kena lead lowah thakise. Serb pora opening set toh ektum phal pora loise aro tai pura serve deh khali jarta points he beya howah thakise. Coric toh Roger Federer logode semi-final deh jeti kena final kusha khelari ase. Hoilebe tai laga first ATP Masters final jetibole paranai aro second set laga opening game deh tai laga serve nama thakise. 21-sal khelari pora three match points toh bachabole pari kena ninth game deh serve kora thakise. Hoilebe Djokovic pora serve kori kena fourth title toh jeti lowah thakise.